હોળી રમવા મે બોલાવ્યો

Gujarati Bhan Kirtan Shreeji Holi Geet

હોળી રમવા મે બોલાવ્યો, ત્યારે કેમ ના આવ્યો રે,

મારી સાથે હોળી રમતા શાને શરમાયો રે,

વિદુર તારો વીરો લાગતો તો તે ઘેર વહેલો ગ્યોતો રે,

કેળા મેલી છાલો ખાધા ત્યારે ના શરમાયો રે,

હોળી રમવા મે બોલાવ્યો, ત્યારે કેમ ના આવ્યો રે,

નરસિંહ તારો નાનો લાગતો તો તે ઘેર વહેલો ગ્યોતો રે,

તેના બાવન કામ કર્યાતા ત્યારે ના શરમાયો રે,

હોળી રમવા મે બોલાવ્યો, ત્યારે કેમ ના આવ્યો રે,

કરમા તારી કાકિ લાગતી તે ઘેર વહેલો ગ્યોતો રે,

ઉનો ઉનો ખિચડો ખાધો ત્યારે ના શરમાયો રે,

હોળી રમવા મે બોલાવ્યો, ત્યારે કેમ ના આવ્યો રે,

મીરા તારી માસિ લાગતી તે ઘેર વહેલો ગ્યોતો રે,

પગે ઘુઘરા બાંધી નાચતો તો ત્યારે ના શરમાયો રે,

હોળી રમવા મે બોલાવ્યો, ત્યારે કેમ ના આવ્યો રે,

એટલુ કેતા હસી પડ્યો ને હોળી રમવા અવ્યો રે,

મેણાનો માર્યો ભોઠો પડ્યો ને હોળી રમવા આવ્યો રે,

હોળી રમવા મે બોલાવ્યો, ત્યારે કેમ ના આવ્યો રે,