રંગ માં આવ્યો છે રંગવા

Shree Krishna Holi Bhajan

 
(રાગ - ખમ્મા મારા નંદજી ના લાલ)

સખી પેલો જશોદા નો લાલ,

રંગ માં આવ્યો છે રંગવા...

જો જો ના જાય છટકી ને આજે,

લેવો છે એનો લાગ,

રંગ માં આવ્યો છે રંગવા...

આવતાની સાથે એને ઘેરી લે લેજો,

બાંધી દેજો બંને એના હાથ,

રંગ માં આવ્યો છે રંગવા...

જોયા જેવી આજ કરાવી છે માથે,

હૈયા માં છે એવી હામ,

રંગ માં આવ્યો છે રંગવા...

ભરી પિચકારી એને રંગ છાંટી દેજો,

પકડીને બેય એના કાન,

રંગ માં આવ્યો છે રંગવા...

ગુલાબી ગાલ એના શ્યામ વર્ણ કરવા,

શોભે પેલી કુબ્જા ને સાથ,

રંગ માં આવ્યો છે રંગવા...

માથા માં એને વાંકડિયા વાળ છે,

કેસુડે કરો તરબોળ,

રંગ માં આવ્યો છે રંગવા...

ખોટી ખુમારી આજ એની ઉતારજો,

ડાપણ નો ના કદી કરે ડોળ,

રંગ માં આવ્યો છે રંગવા...

કાન શ્યામ કેસરિયા રંગ માં રંગાઇને,

ભૂલી જાય ભલે ખોટા ખેલ,

રંગ માં આવ્યો છે રંગવા...