લપતો ને છપતો જાગ્યો કાનુડો

krishna bhajan kirtan mangala geet

લપતો ને છપતો જાગ્યો કાનુડો,

ઓરડામાં નો દીઠા માત,

હિબકે રુવે કાનુડો,

સાદ સંભાળીને માતા દોડતા આવિયા,

તેડી લીધા જોને બાળ,

ક્યારે જાગ્યો મારો કાનુડો,

સાંકળ ખખડાવે માતા મોર બતાવે,

ગભરાણા જોને માત,

ક્યારે જાગ્યો મારો કાનુડો,

નંદ બાવા આવે ને ચપટી વગાડે,

માતા જશોદા રાય લૂણ ઉતારે,

છાનો નાં રહે મારો શ્યામ,

ક્યારે જાગ્યો મારો કાનુડો,

માતાજી મુખથી એમ જ બોલ્યા,

નટખટ બન્યા છે કૃષ્ણ કનૈયા,

બાર આવવા રડાય જાય, 

ખોટા બીવડાવે કાનુડો,

બારણાં ઉઘાડી માતા બહાર નીકળ્યા,

ભક્તો ના ટોળા  વ્હાલે નેણ થી નીરખ્યા,

વૈષ્ણવ દેખી હરખાય, 

છાનો રહે મારો કાનુડો,

દસ વલ્લભ નાં સ્વામી શ્યામળિયા

દુખડા અમારા હવે ના રહયા, 

દર્શન દેજો સદાય, 

ભલે જાગ્યો કૃષ્ણ કનૈયો,