હારે તમે સાંભળો ને નંદ રાણી

shrinathaji bhajan kirtan mangala geet 

(રાગ - હરે ગોકુલ માં આજ રે દિવાળી)

હારે તમે સાંભળો ને નંદ રાણી,

જગાડો ને વનમાળી, (૨),

પ્રભાત થયું...

હારે અમે ઘરના કામ કાજ છોડ્યા,

હારે અમે રોતા બાળક મેલ્યા,

કે હારે મારે દોવી છે રૂડી ગાવડી (૨),

પ્રભાત થયું...

હારે મારે જમુના જી જાવા ભરવા,

હારે મોટા મોટા વાસીદા કરવા,

કે ક્યારે ઉઠશે મોરારી (૨),

પ્રભાત થયું...

હારે મારા મહીડા છે બહુ જાજા,

હારે મેતો કાન ને નવ દીઠા,

કે હું તો એવી એકલાની (૨),

પ્રભાત થયું...

હારે વલ્લભ નાં સ્વામી શ્યામલા,

હારે વ્હાલે દર્શન દીધા મીઠા,

કે વ્હાલે મારી વાત જાની (૨),

પ્રભાત થયું...

હારે વ્હાલા વૈષ્ણવ ની છે અરજી,

હારે વ્હાલા નો જાતા હૃદય થી,

કે વ્હાલે મારી ભાવ ની ભાંગી,

પ્રભાત થયું...